Tumhaare khat mein naya ek salam kis ka tha | Dagh Dehlvi | Sad Ghazal

Tumhaare khat mein naya ek salam kis ka tha 

Na tha raqib to aakhir wo nam kis ka tha

تمارے خط میں نیا اک سلام کس کا تھا

نہ تھا رقیب تو آخر وہ نام کس کا تھا

Wo qatl kar ke mujhe har kisi se puchhte hain 

Ye kaam kis ne kiya hai ye kaam kis ka tha

وہ قتل کر کے مجھے ہر کسی سے پوچھتے ہیں

یہ کام کس نے کیا یہ کام کس کا تھا

Wafa karenge nibahenge baat manenge 

Tumhein bhi yaad hai kuchh ye kalam kis ka tha

وفا کریئں گے نباہیں گے بات مانیں گے

تمہیں بھی یاد ہے کچھ یہ کلام کس کا تھا

Raha na dil mein wo bedard aur dard raha 

Muqim kaun hua hai maqam kis ka tha

رہا نہ دل میں وہ بے درد اور درد رہا

مقیم کون ہوا ہے مقام کس کا تھا

Na puchh-gachh thi kisi ki wahan na aaw-bhagat 

Tumhaari bazm mein kal ehtimam kis ka tha

نہ پوچھ گچھ تھی کسی کی وہاں آؤبھگت

تمہاری بزم میں کل اہتمام کس کا تھا

Tamam bazm jise sun ke rah gai mushtaq 

Kaho wo tazkira-e-na-tamam kis ka tha

تمام بزم جسے سن کے رہ گئی مشتاق

کہو وہ تزکرہ ناتمام کس کا تھا

Hamare Khat ke to purze kiye padha bhi nahin 

Suna jo tu ne ba-dil wo payam kis ka tha

ہمارے خط کے پُرزے کئے پڑھا بھی نہیں

سنا جو تونے بہ دل وہ پیام کس کا تھا

Uthai kyun na qayamat adu ke kuche mein 

Lihaz aap ko waqt-e-Khiram kis ka tha

اٹھائی کیوں نہ قیامت عدو کے کوچے میں

لحاظ آپ کو وقتِ خرام کس کا تھا

Guzar gaya wo zamana kahun to kis se kahun 

Khayal dil ko mere subh o sham kis ka tha

گزر گیا وہ زمانہ کہوں تو کس سے کہوں

خیال دل کو میرے صبع و شام کس کا تھا

Hamein to hazrat-e-waiz ki zid ne pilwai 

Yahan irada-e-sharb-e-mudam kis ka tha

ہمیں تو حضرتِ واعظ کی ضد نے پلوائی

یہاں اداہِ شرابِ مدام کس کا تھا

Agarche dekhne wale tere hazaron the

Tabah-haal bahut zer-e-baam kis ka tha

اگرچہ دیکھنے والے تیرے ہزاروں تھے

تباہ حال بہت زیرِ بام کس کا تھا

Wo kaun tha ki tumhein jis ne bewafa jaana 

Khayal-e-Kham ye sauda-e-Kham kis ka tha

وہ کون تھا کہ تمہیں جس نے بے وفا جانا

خیالِ خام یہ سوداِےخام کس کا تھا

Inhin sifat se hota hai aadmi mashhur 

Jo lutf aam wo karte ye nam kis ka tha

انہیں صفات سے ہوتا ہے آدمی مشہور

جو لُطف عام وہ کرتے  یہ نام کس کا تھا

Har ek se kahte hain kya 'dagh' bewafa nikla 

Ye puchhe un se koi wo ghulam kis ka tha

 ہر اک سے کہتے ہیں کیا داغؔ بے وفا نکلا

یہ پوچھے اُن سے کوئی وہ غلام کس کا تھا